سيبيوم جلوبال من بايوديرما
صباح الخير عليكن يابنات :)
البوست دا لاي واحدة بشرتها دهنية او مختلطة
البوست دا لاي واحدة عندها مشاكل حب الشباب والبثور والرؤوس البيضاء والسوداء.. ولاي واحدة وشها بزيت او بدهن وبيلمع لمعة مزعجة ولاي واحدة عندها مشكلة مسامات واسعة بتتجمع فيها دهون وبالذات منطقة النخرة
في البوست الفات اتكلمنا عن الغسولات بتاعة بايوديرما وهي بداية العناية بالبشرة الدهنية والمختلطة
واليوم ح نتكلم عن اشهر علاجات حب الشباب واللي هو اسمو
#السيبيوم_جلوبال sebium global
من شركة بايوديرما الفرنسية
عبارة عن كريم غير دهني وخفيف علي البشرة وسريع الامتصاص
وزي ماعارفين انو البشرة الدهنية بيزيد فيها افراز الدهون
والدهون دي نفسها بتتاكسد وبتتجمع ويييين ؟!
بتتجمع في المسام وبتكون مايسمي بالرؤوس السوداء او البثور
يلا السيبيوم جلوبال دا ح يحل ليك المشكلة دي كيييف ؟!
عن طريق احتوائه علي مركبين بسببهم حصلت الشركة دي علي براءة اختراع اللي هم fluidactiv و Bakuchiol وديل الاتنين بيعملوا علي تنظيم افراز الدهون في البشرة بحيث انها تكون في الوضع الطبيعي زي البشرة العادية يعني ح تحصلي علي افرازات دهنية شبيهة بما تفرزه البشرة الصحية ( ح يرجع ليك بشرتك الزماان ديك بنسبة 90% ) ودا عن تجربة
والله انا زاتي ما كنت مصدقة في البداية
وبشكل اوضح الكريم دا بيحاكي تأثير فيتامين E(هـ) الذي يفتقر إليه المصابون بحب الشباب، وبيعتبر مهماً جداً لحماية الدهون وإيقاف العملية الفيزيولوجية لتكوّن حب الشباب..
وفي نفس الوقت بيمنع تكون الدهون في المسام .. الكريم دا كمان بيحتوي علي حمض السالسيليك وحمض الستريك وديل بيخلصوك من خلاليا الجلد الميتة بالذات المتجمعة علي المساام يعني بالوااضح كدا تقشيير وتجديد لبشرتك في نفس الوقت وبيساعدك في تخفيف البقع والرؤوس السوداء ... وبالنسبة للاحمرار والالتهاب الصديدي البيكون مع الحبوب بيشيلهم ليكي لانو بيحتوي علي مادة الزنك جلوكونيت ومادة اسمها اينوكزولون enoxolone ( يعني مرات البثور بتكون غريقة لجوة ومؤلمة
يلا دي في البداية عادي ممكن تتقلب ليك رؤوس بيضاء ومن ثم تختفي وتتعالج .. فشنوووو ما تخافي وتقولي ما نفع معاي وواصلي عادي وح تشوفي النتيجة بالصبر )
في النهاية نقدر نقول انو الكريم دا بيشتغل علي 3 محاور رئيسية وهي ..
1- تنظيم افراز الدهون من بشرتك الطالع زيتها 24 ساعة دي
2- ازالة البثور والرؤوس السوداء وحب الشباب
3- معالجة التهاب الحبوب
بما انو فيهو سالسيليك اسيد ما بوصي بيهو للحامل الا اذا دعت الضرورة وفي الشهور الأخيرة ..
تعليقات
إرسال تعليق