حليب ابيتون لزيادة الوزن
بالنسبة للبنات اللي بيعانوا من مشكلة النحافة عموما انا بقول ليك لو قدرتي تتحصلي علي ابيتون دا وواظبتي عليهو ما بتجيك عوجة تاني وح تصلي للوزن الانتي عايزاه وبشكل صحي بدون اي مشاكل 😊
عبارة عن بدرة غنية بنسبة بروتين عالية وكذلك فايتمينات ومعادن ..
بيحتوي على بروتين مصل اللبن ..
وبروتين مصل اللبن دا بيحتوي على أحماض الأمينية بتتهضم بسهولة ..
كمان مدعم باللايسين ودا من الأحماض الأمينية الأساسية اللي ما بتتصنع بالجسم ..
حمض اللايسين دا بيساعد على تحسين القدرة على إكتساب الوزن من البروتين المتناول .. ومهم وضروري لنمو العظام وامتصاص الكالسيوم
كمان بيساعد في انتاج مادة الكولاجين وإصلاح الأنسجة التالفة ..
من مميزات حليب ابيتون كمان انو نسبة فعالية البروتين فيهو عالية جدا بمعدل أعلي من فول الصويا والقمح والحليب واللحوم البقرية ..
سهل الهضم والامتصاص كمان ..
في منو نوعين ..واحد مخصص للأطفال من سن ٣ سنوات لغاية ١٢ سنة .. وواحد للكبار من سن ١٣ ..
انا جربتو يمكن قبل سنتين او اكتر شوية وبعد وصلت للوزن العايزاه وقفتو ..
بيزيدك بمعدل ٣_٤ كيلو في الشهر
دايما اي محتوي بتاع بروتين الافضل ترفقيهو بنشاط رياضي عشان النتيجة تكون وااو وتظبطي جسمك اكتر ..
بتاخديهو بعد الأكل بساعة بعد كل وجبة ما شرط ٣ مرات
مرتين في اليوم بعد الوجبات الرئيسية كفاية جدا ..
بتضيفي ٣ ملاعق من الباودر ل٣٠٠ مل من الموية الدافية وبالهنا ليك .. الملعقة مرفقة مع العلبة ..
تقريبا بتحتاجي عبوتين في الشهر ..
بالنسبة لبعض الأطفال ؛ غالبا كل ما يكبر الطفل بيبدأ يحس بالاستقلالية ويرفض الأكل اللي كان متعود عليهو او حتي اكلات جديدة وبكدا قد يفقد كتير من العناصر الغذائية الضرورية ؛ فالحليب دا بحسب مكوناتو ح يلبي احتياجات طفلك فجربيهو ليهو وح تلاحظي صحتو اتصلحت كتير كتير 😊❤
عموما الحليب بيجي بنكهة الكاكاو وطعمو جميل جدا ❤
في السودان بيتلقي في الصيدليات بس ما متأكدة حاليا متوفر ولا لا
في بدائل ليهو زي الجروث فورميلا growth formula او بي بروتين B protein بس ديل ما حصل جربتهم..
في السعودية متوفر في معظم الصيدليات منهم النهدي ..
ما ينفع للأطفال دون السنتين ولا حتي الحوامل او مرضي الكلي ..
#كسرة_بلبن
ما اي اكل سعراتو الحرارية عالية معناها مفيد .. يعني ما معناها عايزة تزيدي تجري علي الحلويات والمشروبات الغازية ..دا مفهوم خاطئ وح يضرك اكتر مما ينفعك لأنها حاجات ما مفيدة غذائيا .. عشان كدا ما ممكن نركز علي زيادة الوزن ونهمل الصحة 😊
ان شاء الله في بوستات جاية نفرد مساحة للرياضة ولحاجات تانية لزيادة الوزن ..
تعليقات
إرسال تعليق