ماسك الميكاديميا للشعر
صباح الخير يا بنات وليكن وحشة وحات الله ❤❤
نأسف للانقطاعة دي لظروف خاصة 😊
يلا نخش في الموضوع طوالي وهو باين من الصورة ..
اعتقد كلنا سمعنا بمجموعة المكاديميا .. واعتقد كمان انها جميلة علي حسب تجارب كمية من البنات ليها بس يمكن عيبها الوحيد انها غالية..
اجمل حاجة فيها الماسك ويستاهل كل قرش وح تعجبك النتيجة لو استمريتي عليهو ع الاقل اسبوعيا..
كمان الزيت بتاعهم جميل جدا ممكن تستخدميهو كإضافة للماسك..
ماسك المكاديميا من الماسكات الجاهزة والسريعة ..مخصص لإعادة الرطوبة ولترميم الشعر بالذات للشعر الجاف والتالف المتقصف وكمان عناية للشعر المصبوغ والشعر المتعرض للحرارة سواء استشوار او مكواة ..
قوامو كريمي وتقيل نوعا ما فممكن عادي تضيفي ليهو كمية قليلة من اي زيت بينفع معاك وبالتالي ح تعززي من الفايدة بتاعتو لشعرك..
إضافة الزيت لأي ماسك عموما انا بعتبرو مهم جدا وعلاج مكثف للشعر ولاعادة الرطوبة في نفس الوقت وحمايتو من التلف والجفاف والتقصف.. #مكونات_الماسك
بتكون من المكاديميا وزيت الارجان وزيت البابونج والالوفيرا ودي كلها كفيلة بإنها تعيد الترطيب المفقود لشعرك بيعطي رونق كدا وملمس شبه حريري وبيخلصك من التشابك.. بيستخدم من مرة الي مرتين في الاسبوع لمدة 20 دقيقة..
ريحتو حلوة ومنعشة وبتفضل في الشعر..
مديهو علي شعرك وهو شوية مبلل ودي طريقة اتبعيها مع اي ماسك لما تطبقيهو شعرك يكون مبلل..
اذا اي واحدة قدرت تتحصل عليهو وجيبها مليان يبقي ما تبخلي علي نفسك ودلعيها بالجد يستاهل 😊😉
ابقي الصورة دي العبوة الكبيرة بي 200 ريال وبتقعد معاك كتيير وفي عبوة أصغر وأقل سعرا بس ما متذكرة السعر..
ينفع لكل أنواع الشعر 😊
متوفر في محلات نزيه بالسعودية وصيدلية سليمان الحبيب
في السودان بعض تاجرات الفيسبوك في القروبات بتوفر المجموعة دي بالطلب 😊
تعليقات
إرسال تعليق