تفتيح المنطقة الحساسة
نواصل في بوستات البنية التحتية عشان الأساس بتاعنا يكون متين 😁
اعتقد ماف واحدة ما بتعرف السودو كربم بتاع الحفاضات 😄 وتقريبا معظمكم استخدموه سواء للمنطقة الحساسة تبعكم او تبع شفعكم ..
السودو كريم الحلو فيهو انو عندو كذا استخدام بيفيدك انتي كأنثي بتحبي المسوح والاهتمام بنفسك عموما 😊
هنا ح نركز علي استخدامو للمنطقة الحساسة وهل فعلا هو بيفتح ولا دي اشاعات سااي !!
السودو كريم بيحتوي علي مواد فعالة في الترطيب زي اللانولين ومادة أوكسيد الزنك مادة قابضة ومسؤولة عن الاحتفاظ بالرطوبة داخل الجلد وعندو خاصية تفتيح للبشرة .. دا غير المواد المضادة للالتهاب والحساسية والحكة والبكتريا ..وفعال في المساعدة علي التئام الجروح برضو وكمية من الفوائد والخصائص للكريم دا ..
السودو كريم فعلا بيفتح ليك بشرتك وبالذات المناطق الحساسة من درجة لدرجتين حسب لونك ونوع بشرتك واهتمامك وتقشيرك للمنطقة عموما ..
قبل كدا كتبت بوست عن المنطقة دي وكيف تهتمي بيها وتتحاشي حاجات معينة هي سبب في السواد الأعظم ..
ارجعوا ليهو تاني ..
طيب نشوف ح نستعملوا كيف ومع شنو ..وطبعا كل واحدة وتجربتها معاهو وانا هنا يستعرض مجرد تجربة شخصية افادتني وحبيت اشاركها معاكم ..وممكن الحاجة البتناسبني ما تناسبك والعكس 😊
#المكونات
سودوكريم + سكينورين + زيت فايتمين E +فيد اوت الأزرق
#طريقة_الاستخدام
بعد إزالة الشعر طبعا عشان المفعول (بالنسبة للعروسات ممكن يحلقوا نمرة واحد لو مؤجلين موضوع الإزالة دا وكدا 😁) ..
بعد تزيلي الشعر امسحي من السودو كريم تحاشيا لأي حساسية او حبوب مثلا ..
اضيفي ملعقة كبيرة من سودو كريم مع نص العبوة من كريم فيد اوت وكريم سكينورين واضيفي ليهم كمية من زيت فايتمين E او زيت جنين القمح أو زيت لوز كلهم حلوين وبكدا زاتو تخففي من قوام الكريم لأنو بيكون تقيل نوعا ما وبعد كدا اتمسحي متي ما انتي عايزة ..
الاسكينورين او الازاديرم هنا للتقشير والتفتيح برضو
وما تخافي ما حار ولا حاجة ؛ المواد دي كلها بتساعد مع بعض لنتيجة حلوة شديد ..
الفيد اوت بيحتوي علي حمض اللاكتيك والنياسيناميد
يعني الخلطة دي عبارة عن :
تقشير + تفتيح + ترطيب
طبقيها مرة او مرتين يوميا ومن اسبوعين ح تلاحظي الفرق وبعد شهر كدا ح تعجبك النتيجة وواصلي علي كدا 😊
#استخدامات_أخري
السودو كريم كمان بيستخدم لحب الشباب ولناس الأكزيما وللحروق ؛ يعني حتي لو جيتي محروقة من الشمس حطي منو شوية علي وشك وايديك وغسليهم بعد ساعة كدا ح يديك نتيجة حلوة جدا ..
السودو كريم ممكن تستخدميهو كمرطب عام للجسم وللرجلين والركب والاكواع بشكل خاص .. كمان ممكن تخلطيهو مع اي كريم تفتيح عندك لنتايج احلي ..
كمان ماتنسوا الإبطين 😊
وان شاء الله دايما حلوات ❤
تعليقات
إرسال تعليق