استخدام الديفرين والهايكوين ٢% للتصبغات وآثار حب الشباب
مساء الخيراات بنات 😊
دي ايام التدوينات والبوستات الخفيفة ..
بالنسبة للبنات البيعانوا من أثار حب الشباب او حتي بعض التصبغات البسيطة والنمش ممكن يستخدموا الديفرين مع الهاي كوين 2% مع بعض ..
#طريقة_الاستخدام
نقطي كل واحد فيهم علي وشك في نفس الوقت وامسحيهم علي كل الوش افضل من تخلطيهم مع بعض في علبة لأنو الهيدروكينون اللي في الهايكوين بيتأكسد ؛ وخليهم ٣ ساعات وغسليهم او ممكن تنومي بيهم الليل كلو اذا متعودة علي المقشرات عموما ..
لو كنتي اول مرة تستخدميهم فالأفضل البداية تكون بالتدريج حبة حبة عشان اليشرة تتعود عليهم وما تتحسسي
اول يوم ساعة وتاني يوم ساعتين وهكذا لغاية تقدري تنومي بيهم للصباح ..
اهم حاجة بعد تغسلي وشك ترطبي كويس بمرطب قوي تحاشيا لآثار التقشير الجانبية وعشان تقللي القشرة في البداية ..
ح تلاحظي للنتيجة من اسبوع او ١٠ يوم واستمري لمدة فيهو لمدة شهرين .. بعد كدا ممكن تقللي الاستخدام بحيث تحافظي علي النتيجة مرتين اسبوعيا كفاية جدا ..وما ننسي واقي الشمس يا جماعة اهم حاجة ..😊
ح تلاحظي الآثار اختفت ووشك ناير وفاتح وماف اي اثر للتصبغات وبشرتك متجددة بتقشير الدفرين وحتي لو عندك حبوب ح تختفي شوية شوية بس انتي اصبري وطولي بالك ..
الديفرين + الهايكوين = حل لمشكلة اثار حب الشباب والتصبغات البسيطة والنمش والتفتيح كمان
#البدائل
الدفرين = ماربلين ؛ اكرتين ؛ اكنيلين
الهايكوين 2% = افالون؛ ميديكيتيد ؛ اي هيدروكينون 2%
طبعا عندي مشكلة في تذكر الأسعار 😂
بس موجودين في كل صيدليات السعودية
وفي السودان انا كتبت البدايل
الحاجات دي ما تنفع للحامل 😊
ودمتن نايرات ❤
مشكورة! سوف أدخلهم في روتين العناية ببشرتي بجانب غسول للبشرة المختلطة وأتمني أن يحدثوا فرق في بشرتي
ردحذف